سیّول الغدر
سقیت اورود گلبی ابجیّتک یفـــلان
یلّی اسنین طیبک ما یواسینـــــی
فدیت الروح الک و اعیونی او فحطان
دعیت الناس کلهه وآنه ناسینـــی
***
اجیتک بلزمل و اعیونی امفتشات
شایل خبر عندی یحمل اعتابــک
علی چفت النهر داعیتک او بردان
دعنی روح منّی او لا تسد بابـک
***
حقیبه امترّسه و ابربّی اترجـــــاک
فتّح باب گلبی و اقرا بکتابـــــــی
شوف اشگد احبک و انته شارد لیش
اذا مسّک زمانک خلّه بحسابــــی
***
الدنیا اجفت اویانه و السعد ماشـــاف
خلّانه ضحیه او نفتر ابـــــــلا دار
ما صاحب دعانه او شاورانه ابخیـــر
الدهر مضراب صار او دگنه ابمسمار
***
تباعدنه اعلی چفت البحر و الصایود
لم اشباچه منّه او ما بگت چــــاره
کتلنه الجوع والعطشان ظل ایلوع
حفّای او سیّول الغدر دفّــــاره
***
متی تبزغ شمسنه و النجوم احــرار
نخلنه باس غزلان السهول ابلیـــل
و الدله ترن والگعده و الفنجــــان
یزعجنی صهیل الفرگه رکب الخیل
***
او متی تمطر اعیون الناشفه بدموع
او متی اگلوب المجمده اتصیر خنّاره
او متی حب الحبیب ایوسع ابترحاب
او متی جلمود نوحی ینشر اخبـاره
***
سترت النهبت ابلیل او سرت لبعید
ادری الحب ثمین او ما اله تالـــی
لکن یا عین یا ابره التخیط اذنـوب
اموت ابلحد الاسود بلکت اشوالی
***
بگت ظلمه الطلابه و الوجوه اخباث
الزمان امحبّس اگلوب التبارینــی
علیمن یا دهر طوبک یدگ و ایثور
ربیع الجای گلّه ابدمی حنینــی
***
احباب اهوای فرشت دورها ابسجــاد
او زالت ضیم و اتعدّ لت بنیانـــــه
و انا کوخی گصب و امعرعر او مسلوب
اجاه الریح الاسود کسّر ارکانـــــه
***
یا لوم التلوم او یا ثنیه اتبـــــات
او یا دیره الترحب والتسلینـــی
احنان الناس لاکن والمناخر سود
بلظاهر حبیب او باطنه افتینــی
***
باعوا لیش اهلنه الفاله و المگـــــوار
و الرایه انکست ویه الجهاد احـــدود
الطمع شلّع رسوخ العصبه و الشریـان
و ابوی ابمنجله بلمزرعه ماجــــود
***
اهناک اسباع باوع والغدر منشار
لا تذبح اخیک هیبت اشجــارک
الطمع میفید والزین الیشد احبال
لا ترفع ابصوتک و احترم جارک
***
دگ اثبات مهرک و البس المعروف
لملک جاه لا تتساهل المیــدان
ما فادت الجرّاشه مطر وایــروح
متروسه اسود ابصالت الدفــان
***
فکّر و انطرح وانذر او زیل الویل
لم اشمول اخوتک خل تباریلــک
اخیک مو ابن امک و ابن عربـاک
اخیک للیمسک ظل یداعیلـک
***
ارید اختم واضحّی ابروحی او دنیـای
ارید اشموع تدوی بس تدلینـــی
ارید احچایه وحده والکلام ایصیب
ارید ابموتتی احبابی تسلّینـــی
***
جاسم ثعلبی (حسّانی) 16/03/1392
:: برچسب‌ها:
سیّول الغدر ,
:: بازدید از این مطلب : 1885
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
